Ашық оқу қызметі "Музыка әлеміне саяхат"

Ақмола облысы                                                                                                                                     Зеренді ауданы                                                                                                                                     Зеренді ауылы                                                                                                                                           МКҚК «Балауса» балабақшасы

Ашық көрініс

Тақырыбы: «Музыка әлеміне саяхат»

          Музыка жетекшісі: Амурқызы А.

                                                   2019 ж

Білім беру саласы: шығармашылық саласы;

Ұйымдастырылған оқу қызметінің түрі: музыка

Тақырыбы: Музыка әлеміне саяхат!

Мақсаты: Балалардың ноталарды тануын, музыкалық аспаптарға деген қызығушылығын ояту, оларды дыбысынан ажырата білуге және музыкаларды тыңдау арқылы эстетикалық талғамдарын, музыканы қабылдау деңгейін дамытуға, мінезіне қарай ажырата білуге үйрету.

Көрнекіліктер: Тақырып жазылған шарлар, музыкалық аспаптар, аспаптардың суреттері, ноталардың суреттері, музыка әлеміне саяхатқа баратын ноталардың суреттері салынған пойыз, ж. т. б.

Барысы:

І. Мотивациялық қозғаушы күш.

Балалар «марш» екпінімен залға кіреді, ортаны айналып шығып шеңбер жасап тұрады, музыка жетекшісі балалармен амандасады және әуенге (басқа көңілді әуен қосылады) әртүрлі қимылдар жасап билеп алады. ( балалардың сабаққа деген қызығушылығын арттыру мақсатында )                                   «Шаттық» шеңбері:

Күннің көзі ашылып,

Көкке шуақ шашылып,

Құтты қонақ келіпті,

Төрімізге еніпті.

Амандасу үлкенге,

Тәрбиенің басы ғой.

Ал, қанекей, бәріміз,

Сәлем дейік үлкенге,

Сәлеметсіздер ме, апайлар!

Музыка жетекшісі: - Балалар сендер қандай сабаққа келдіңдер?

Балалар: - Музыка сабағына.

Музыка жетекшісі: - Музыка сабағында біз не үйренеміз?

Балалар: - Ән айтуды, би билеуді үйренеміз.

Музыка жетекшісі: - Жарайсыңдар!       

ІІ. Іздену - ұйымдастырушы кезең.

Музыка жетекшісі: Балалар, айтыңдаршы музыка шығару үшін ең алдымен бізге не керек еді сендер онымен таныссыңдар?

Балалар: Ноталар керек.

Музыка жетекшісі: Ия, дұрыс айтасыңдар! олай болса балалар ноталардың атын айтып көрейікші, қане:

бәрі бірге: Домбырада – до, мерекеде - ре, Мираста - ми, фабрикада - фа, Галяда - ля,

Балалар ноталарды жазылған нотаның үстіне апарып жабыстарды.

Музыка жетекшісі: Ендеше, балалар бәріміз бірге айтып көрейікші:

бәрі бірге: до, ре, ми, фа, соль, ля, си.

Балалар, бізде барлық нота толық болдыма?

Балалар: Жоооқ, бір нота түсіп қалған.

Музыка жетекшісі: Жарайсыңдар! Соль және си ноталары түсіп қалыпты, қәне соль, си ноталарын апарып үстіне жабыстырайық. Қәнекей, енді өзіміз нота боламыз (балалар бастарына ноталар салынған маскалар киеді)

Музыка жетекшісі: Ендеше, ноталардың алдында не тұруы керек балалар?

Балалар: Скрипка кілті тұруы керек.

Музыка жетекшісі: Жарайсыңдар, балалар, мінекей скрипка кілті де өз орнына келді.

Музыка жетекшісі: Жақсы балалар, ендеше ноталарымызды жабыстарған пойызға мініп саяхатқа шығайық. (әуенмен жүріп, залды бір айланады) бірінші аялдамаға келіп тоқтайды. (Аялдамада хат жатады)

ІІІ. Негізгі бөлім. Музыка жетекшісі: Балалар қараңдаршы мына жерде хат бар екен, оқып қарайықшы (Музыка жетекшісі хатты оқиды.)

Сәлеметсіңдер ме, балалар? Мен, музыка әлемінің Ханшайымымын. Менің әлеміме жету үшін сендерге 3 аялдамада 3 түрлі тапсырмаларым бар.

Ендеше пойызға отырайық, (музыка ойнап тұрады.) Бірінші тапсырмам: аялдамаға келеді. Бұл жерде қандай тапсырма бар екенін хаттан оқып білейік:

Музыка тыңдау: Балалар сол күйтабақтағы музыкаларды тыңдап оның Луллия дөңгелегімен мінездерін ажыратып беріңдер; - депті. Тыңдап қараймыз ба балалар? Балалар: - ия, қане онда біріншісі (көңілді әуен), (көңілсіз әуен); екіншісі қай жыл мезгілі сезіледі? үшіншісі қандай аспапты естіп тұрсындар? балалар әуендерді дұрыс ажыратады.

Ендеше тағы да пойызға отырайық, (музыка ойнап тұрады.) Екінші Аспаптар аялдамаға келеді.

Музыка жетекшісі: Бұл аялдамада қандай тапсырма бар екен хатты оқып көрейік: Балалар, бұл аялдамада бір қорапша бар, қорапшаның ішінде заттар бар, сол заттарға байланысты сұрақтарға жауап берсеңдер мен сендердің жаныңыздан табыламын; - деген. Балалар бәріміз қорапшаны іздеп көрейік (іздейді)

Мінекей, таптым апай;- деп, бір бала тауып алып келеді, ішін ашып сұрақтарды оқиды:

- Мынау қандай аспап? (Сазсырнай)

- Сазсырнай қалай шертіледі? (Үрлеп)

Музыка жетекшісі сазсырнайды үрлеп шертіп көрсетіп береді.

- Ол қандай топқа кіреді? (Үрмелі)

- Мынау қандай аспап? (Домбыра)

Музыка жетекшісі домбыраны шертіп көрсетіп береді

- Қай топқа жатады? (Ішекті)

- Мынау қандай аспап? (Шаңқобыз)

Музыка жетекшісі шаңқобызды шертіп көрсетіп береді. Балалар да қызығып ұстап, шертіп көреді.

Аспаптардың аттарын балалар тәрбиешімен бірге дұрыс табады. Тәрбиеші оларға аспаптарды танытырып, айтып өтеді.

Балалар, осындай тамаша көңіл - күймен соңғы аялдамаға жетейік,

Ханшайымның тапсырмасын шешейік.

(музыка ойнап тұрады, үшінші аялдамаға келіп жетеді)

Балалар, тағы қарап көрейік басқа тапсырма барма екен. Балалар бұл аялдамада ырғақты қимылдар орындап, қайсы музыкалық оюға жататынды  таңдау. Балалар тапсырманы орындайды. 

                                                                       (Осы уақытта залға Ханшайым кіріп келеді балаларға қарап)

Ханшайым: Сәлем, достар! Жарайсыңдар! Менің тапсырмаларымды өте жақсы орындадыңдар.

- Сол үшін мен сендерге әдейі дайындап келген сыйлығымды беремін (музыка жетекшісіне нотаның суреті бар қорапша береді)

Мына қорапшада менің балаларға арнаған сыйлықтарым бар, оны балабақшаңызға барғаннан соң беріңіз, сау болыңыздар, балалар, менің әлеміме келіп тұрыңыздар! (шығып кетеді.)

Музыка жетекшісі: Ноталар, яғни балалар: Біздің де балабақшаға қайтатын уақытымыз болып қалды. Мінекей пойыз да келді, қанекей кеттік. (музыка ойнап тұрады, залды бір айланып шығады)

ІV. Қорытынды.

Музыка жетекшісі: Пойыздан түсіп, міне, балабақшаға келдік, балалар біз бүгін қайда бардық? (қайда барғанын, не көргендері туралы әңгімелеседі.) ендеше, музыка әлемі Ханшайымының берген қорапшасын ашып көрейік. (балаларға арналған сыйлықтарын үлестіремін)

Балалар: Біз музыка әлемінде ән айтып, биледік және әртүрлі саз аспаптарымен таныстық. Музыка әлемі Ханшайымының сұрақтарына жауап беріп онымен жүздестік.

Музыка жетекшісі: - Дұрыс айтасыңдар, тапсырмалар орындадық. Балалар, ендеше бәріміз бірге «Кел, билейік!» әнін орындайық та тобымызға барайық. Әнді орындап музыка жетекшісімен сау болыңыз!- деп, музыка ырғағымен сапқа тізіліп залдан шығып кетеді.

Күтілетін нәтиже:

Біледі: Балалар ноталардың аттарын атай біледі;

Игереді: Музыканың мінезін ажырата біледі, аспаптармен танысты;

Меңгереді: Балалардың музыка мәдениетіне деген көз - қарастарын қалыптастырады.