"Ақмола облысы білім басқармасының Зеренді ауданы бойынша білім бөлімінің жанындағы Зеренді ауылының "Балауса" бөбекжайы" мемлекеттік коммуналдық қазыналық кәсіпорыны

Государственное коммунальное казенное предприятие "Ясли-сад "Балауса" села Зеренда при отделе образования по Зерендинскому району управления образования Акмолинской области"

Ұстаздар күні

Мұғалімдер күніне арналған сценарий

Тақырыбы: «Тәрбиеші апайлар!»

Мақсаты: балаларға ұстаздардың тәрбиесі мен еңбегін тәріптеу, тәрбиешілерді құрметтеу мен сыйлауға тәрбиелеу.

Жүргізуші: Міне, жадырап жаз өтіп, алтын күз де келіп жетті. Табиғаттың осы бір жыл мезгілін әр мұғалімдер мен тәрбиешілер дауыстары сағына табысқан қуанышты сәттерімен елестетеді. Жаңа оқу жылымен қатарлас келетін Мұғалімдер күні де күздің үлесіне тиіпті. Олай болса, мұғалім бақыты – шәкірт құрметі.

Жүргізуші: Құрметті ұстаз қауымы! Сіздерді қазан айында аталып өтетін Мұғалімдер күнімен шын жүректен құттықтаймын! Сіздердің бала көңілдеріңіз əр бүлдіршіндерінің жан дүниесін нұрландырып, жүрегіне шапағат нұрын төгуде. Мұндай мадақтауларды жалғастыра берсек, даналық сөздер тізбегі шексіздікке ұласады. Мерейлі мерекеде дендеріңізге саулық, отбасыларыңызға амандық, істеріңізге сəттілік тілеймін!

Жүргізуші: Бүгінгі кешіміздің шымылдығын ашып беру үшін "Балауса" бөбекжайының меңгерушісі, ұлағатты ұстаз Бримжанова Шынар Асылбековнаға сөз берейік.

Жүргізуші: Тәрбиеші күн нұрына бара-бар,

Ізгілікпен мейірімге толы олар

Шуақ болып жүректерге таралар

Тәрбиеші -әр бүлдіршіннің сауатын ашып,өнерге үйретіп, тәрбие беретін «білім»атты кемеге алғаш, отырғызып жол көрсетеді.

Жүргізуші: Соған орай «Күншуақ» ересек тобының орындауында «Ақылшы ұстаз» әнің қошеметпен қабыл алыңыздар!

Рахмет!

Келесі өнерді көрсететін «Тұлпар» тобының ұлдары

Керемет би! Қарсы алыңыздар!

Жүргізуші: Ал бұлбұл әншіміз асыл ұстазына деген жылы лебізі мен шәкірттік асқақ махаббатын әсем әнімен жеткізгісі келеді екен.

Қарсалыңыздар керемет дуэт! Регина мен Виолетаны шақырамыз!

Ән: «В детском садике концерт»

Жүргізуші: Ал қазір, балалардың ұстаздар туралы, біздің екінші анамыздай туралы тақпақтарын тыңдайық.

Ортаға «Тұлпар» тобының бүлдіршіндерін шақырамыз!

Ислам

Алғаш рет оятқансың санамды

Алғаш рет ұстатқансың қаламды.

Сол үшінде мәңгі сыйлап өтермін

Түсіндірген жақсы менен жаманды

Нұрәлі

Қиынға төзуге

Үйреткен қашанда

Жаманнан безуге,

Жақсылық жасауға.

Қамқоры үл, қыздың-

Мұғалім-ол біздің.

Елжас

Білімнің кәусар бұлағын,

Жүресің құйып санама

Біз үшін сенсің, мұғалім,

Ұстаз да, ғалым дана да.

Медет

Ұстаздардың анасы

Балалардың панасы

Ұстаздарды сүйеміз

Әдеппен бас иеміз.

Егор

Қанатым талмайды,

Қиялым самғайды.

Ақын да, ғалым да,

Ұстазсыз болмайды.

Рахмет балалар!

Жүргізуші: Қазақ қызы күлімдер күн көзіндей,

Дөңгеленіп билейді ай жүзіндей.

Жұлдыздардай өрнекті аспандағы,

Биші қыздар бұрала билейді би.

Жүргізуші: Сахна төрінде «Лентамен» би «Құлыншақ» тобының қыздарың қошеметпен қарсы алайық!

Жүргізуші: Ұстазым,менің,ұстазым,

Өзіңмен өткен қыс-жазым.

Қалдырған ізің мәңгілік,

Жадымда тұрар жаңғырып.

Шәкірттеріне аса мейірімді, сөзіне берік, шыншыл мінезді, жүрегі батыр, өнегесі асыл, жаны жомарт, пейілі дарқан, ерен еңбекшіл, байламы берік, ойы өткір ұстаздар төл мерекелеріңіз тағы да құтты болсын!!!

Ендеше сахнада ән: «Оқып білім үйренеміз»

Ортаға Асима мен Ясмира қызымызды шақырайық!

Жүргізуші: Ортаға кішкентай жұлдыздарымызды шақырайық

«Ботажан» тобының орындауында, тек қана сіздер үшін керемет би!

Қарсы алыңыздар!

Жүргізуші: Осымен біздің қуттықтау сөзіміз біткен жоқ! «Құлыншақ» тобының орындауында әсем әнді қабыл алыңыздар!

Хор: «Менің ұстазым»

Жүргізуші: “Ұстаздық еткен жалықпас, үйретуден балаға” деп Абай атамыз айтқандай, ұстаз еңбегінің қыр-сыры мол, қиын да жауапты, шығармашылық еңбек екендігін баршамыз мойындаймыз.

Мерекелеріңіз құтты болсын! Ұстаздар мерекесіне арналған ертеңгілігіміз жабық деп жариялаймын!